«Шын» 12+

Августа тарыдарга эки

28 августа 2025
5

Эпидемиологтарның санап турары-биле алырга, август ай ээлчеглиг гриппке удур тарылга кылырынга эң-не таарымчалыг үе.

Тываның Кадык камгалал яамызы ээлчеглиг гриппке удур тарылганы бүрүнү-биле эгелээринге белеткелди хандырган: республикада гриппке удур тарылганың баштайгы 61400 дозазы келген. Ооң иштинде чаштарга болгаш иштиг херээжен кижилерге дөрт валентилиг “Ультрикс-квадриниң” 44530 дозазы, үш валентилиг “Совигрипп” болгаш “Флю-М” тарылгаларның 16870 дозазы бар. Ийиги партияны октябрь, ноябрь айларда келирин манап турар. Ниитизи-биле Национал календарь ёзугаар федералдыг бюджеттиң акшаландырыышкыны-биле ээлчеглиг гриппке удур 232641 доза вакцина келир.

Грипп болгаш өске-даа тыныш органнарының халдавырларын болдурбазы-биле холдарны үргүлчү саваңнап чуур, гаджеттерни дезинфекция херекселдери-биле аштап-арыглаар, хөй кижилер чыылган черлерже баарда, бот-тускайлаң камгалал масказын кедип алыры чугула дээрзин ТР-ниң Кадык камгалал яамызы сагындырып турар. Агаарның температуразы өскерлип турар үелерде, ылаңгыя бичии уругларга болгаш кадыы кошкак кижилерге, агаар-бойдустуң байдалдарынга дүүштүр кеттинери чугула.

Кадык камгалал яамызының медээзинден.

Чурукту интернеттен хоолгалаан.

2025 чылдың август 28 “Шын” №33

ШЫН Редакция