«Цифровой ликбез» — онлайн садыг, онлайн ажыл дилээринге өөредир Бүгү-российжи чырыдыышкын төлевилели.
Авито компаниязы школачыларга өөредиглиг роликтерни эрткен чылын үндүрүп эгелээн.
Роликтерниӊ кол маадырлары — Ряпушка Варя биле Налим Максим интернет садыглар таварыштыр барааннар садып алырынга, онлайн ажыл дилээринге өөренип ап турар.
Уругларныӊ боттарыныӊ тургускан сценарийлери-биле роликтер тургузар дээш, Авито компаниязы май-август айларда мөөрей эрттирген.
«Цифровой ликбезтиӊ» чаа серияларын уругларныӊ идепкейлиг киржилгези-биле үндүрген. Анапа, Сочи, Тюмень, Новониколаевск, Краснодар, Озёрск, Москва, Булульма, Челябинск, Балтийск, Михайловск деп хоорайларныӊ школачылары 79 сценарий чоруткан. Ажыктыг тайылбырлыг роликтер кылырынга дыка дузалаан, уруглар боттары чүнү сонуургап турарын, чүнү билип алыксап турарын ол сценарийлерден билип алган бис» — деп, Авито команиязыныӊ Бүзүрел болгаш айыыл чок чорук департаментизиниӊ директору Наталья Юматова тайылбырлаан.
«Оюн ышкаш бөдүүн чижектер көргүскен роликтерден чурагайлыг технологиялар таварыштыр ажыл-херек чогудар аргаларны, айыыл чок ажыглаарын билип ап болур. Интернеттиӊ делгеминде айыылдыг медээлерни танып, оларга удур демисежирин тайылбырлап турар» - деп, «Чурагайлыг экономика» деп организацияныӊ директору Сергей Плугатаренко чугаалаан.
Бо төлевилелди Авито биле «Чуругайлыг экономика» деп организация Россияныӊ Чырыдыышкын, Чурагайлыг хөгжүлде яамыларыныӊ деткимчези-биле боттандырган.
«Өг-бүледе бичии уруглар кижизидилгезин шинчилээр институт» деп эртем албан чери роликтерни хынааш, чөпшээрелди берген. «6+» алды хардан өрү назылыг бичии уругларны өөредиринге тааржыр.
Россияның Чурагайлыг хөгжүлде яамызының медээлеринден.