Тываның күрүне университединге ажык эжиктер хүнү болуп эрткен. Аңаа университеттиң шупту факультеттерин, бакалавр болгаш специалитет программаларын, дээди өөредилге чериниң эртем төлевилелдерин таныштырган.
Бай-Тайга кожууннуң Бай-Тал суурунуң Н.С. Конгар аттыг школазының, дугаары 3 болгаш 5 дугаар гимназияларының, Бии-Хем кожууннуң Суш школазының өөреникчилери, Кызылдың экономика болгаш хереглел кооперациязының хоойлу-дүрүм техникумунуң, Кызылдың транспорт техникумунуң, Тываның политехниктиг техникумунуң, Сарыг-Сеп суурда Тываның агротехнологиялар техникумунуң сургуулдары дээди өөредилге чериниң башкылар-биле таныжып, мастер-класстарга болгаш лекцияларга киришкен.
Тываның күрүне университединиң бүгү-ле факультеттеринге экскурсияларны кылып, дээди өөредилге чериниң төөгүзүн, ооң башкыларын база ында студент амыдырал канчаар чоруп турарын таныштырган. Келген аалчылар деканнар болгаш студентилер-биле чугаалажып, документилер хүлээп алыр комиссияның специалистеринден сонуургаан айтырыгларынга харыыларны алган.
#тувгу #вуз #ДеньОткрытыхДверей #УЛК2 #абитуриенты #приемнаякомиссия #поступайвТувГУ #школьники #СПО #Тыва #Тува #Шынсолун