Күзүн азы күскээр чайын бажың ишти шыгый бээр, от салыр дээрге, база арай элек. Ындыг үеде бичии хаптарга ристи, дусту азы “Силикагельди” ургаш, соңга караанга болгаш шкафтарга салып каарга, артык шыкты олар сиңирип алыр.
***
Химия чокка чаагай чытты база үндүрүп ап болур. Оожум отка корицаны, яблокту болгаш апельсинни гвоздика-биле кады хайындырыптарга, бажың иштинге күскү бойдустуң кайгамчыктыг чаагай чыды чытталып келир.
***
Сайгылгааннарыңарны элээн чылыг өңнүг, 2700–3000 киловаттың сайгылгааннары-биле солуп алыңар. Чырыктың чылыг өңү күзүн, кыжын хүн херелдериниң чедишпес үезинде кижиниң кадыкшылынга ажыктыг болгаш кежээки үени аянныг кылыптар.
***
Идиктерни дүргени-биле кургадыр дизе, эрги уктар иштинге ристи азы диистиң арыгланыр савазынга урар тускай бүдүмелди уруп каарга, өл идиктиң шыгын бодунче сиңирип апаар.
***
Чырыкты өжүрер, кыпсыр баскыыштарга болгаш чадаларга чырык чайынналдырар кожааларны бичии-бичии кылдыр кескеш чыпшырып алыңар. Караңгыда ону тып алыры белен болур.
Чурукту ГигаЧатка чураан.
“Шын” №37 2026 чылдың сентябрь 24
"Шын" солуннуң МАХ-каналынга каттыжыңар: max.ru/channel_shyn