Ажыктыг ужуражылга

ТР-НИҢ МОСКВАДА ТӨЛЭЭ ЧЕРИНДЕ
ТР-ниң Чазааның Даргазының оралакчызы – Тыва Республиканың Москвада төлээзиниң албан-хүлээлгезин күүседип турар Чечен Чоксум Россия Федерациязының көдээ ажыл-агый сайыдының оралакчызы Андрей Разин база Россияның Көдээ ажыл-агый яамызының мал ажылы болгаш уксаажыдылга департаментизиниң директору Дмитрий Бутусов олар-биле ужурашкан.

Тывада мал ажыл-агыйының болгаш уксаажыдылга херээниң, ветеринария албанының байдалының, РФ-тиң Көдээ ажыл-агый яамызының албан черлериниң тодаргай деткимчезиниң дугайында Чечен Чоксум, Андрей Разин, Дмитрий Бутусов олар сайгарып чугаалашканнар. Ужуражыышкынның түңнелинде, Россия Федерациязының көдээ ажыл-агый сайыдының оралакчызы Андрей Разин база Россияның Көдээ ажыл-агый яамызының мал ажылы болгаш уксаажыдылга департаментизиниң директору Дмитрий Бутусов Тывага ажыл-агыйжы сорулгалыг сургакчылаашкынныг кээриниң, республиканың мал ажыл-агый адырында нарын айтырыгларны ханы сайгарып көөр, методиктиг болгаш херек кырында дузаны чедирер дугайында дугуржулга чедип алдынган.

ТР-ниң Москвада төлээ чериниң медээлеринден Ш.ЛОПСАН белеткээн

«Шын» №68 2023 чылдың сентябрь 13