Ажыл-ишчи, быжыг өг-бүле — эң-не улуг үнелел

Социал ажылдың онзалап демдеглээр ужурлуг чүүлү - өг-бүлелер болгаш уруглар деткимчези болур ужурлуг. Ажыл-ишчи, быжыг өг-бүле дээрге бистиң эң-не улуг салгал дамчаан үнелеливис-тир. Күш-ажыл адырында чоруп турар “Мээң өг-бүлем төвү” дүвүренчиг медээлерже кичээнгейни салып, өг-бүлелерге профессионал арга-сүмени “чаңгыс соңга” деп үзел-бодал-биле бээр ужурлуг. Ындыг черлер кожуун бүрүзүнде өг-бүлелерни болгаш уругларны деткиир төптерниң баазазынга чоорту чада аайынче ажыттынар.