Бии-Хем кожууннуң хууда сайгарлыкчызы Елена Байкара дайынчы чаңгыс чер чурттугларының дилээ-биле тускай шериг операциязының девискээринче чорудар автотранспорт садып алыр дээш, акша чыылдазын организастаанын чагырга чери дыңнаткан.
Кожууннуң сагыш човангыр чурттакчылары техника садар акша-хөреңги чыылдазынга идепкейлиг киришкен. Амгы үеде УАЗ «Буханка» маркалыг «демир аътты» саткан. Бо автомашинаны 55115 шериг кезээниң «Шуурган» медицина ротазынче балыглаткан дайынчыларны эмнелгелерже дүрген чедирери-биле дамчыдар.
Ол ышкаш Туранның Марк Оюн аттыг Культура болгаш дыштанылга төвүнге тускай шериг операциязының киржикчилерин деткээн акцияны база эрттирген.
ТМГ медээлер агентилелинден.
“Шын” №3 2024 чылдың январь 17