Бөгүн, апрель 22-де, республиканың бүгү кожууннарынга болгаш хоорайларынга Бүгү-российжи субботник болур. Албан черлериниң болгаш бажыңнарның девискээрлерин аштап-арыглаарындан аңгыда, күзелдиг кижи бүрүзү "Таарымчалыг хоорай хүрээлеңин хевирлээри" төлевилел-биле чаагайжыттынган хөй-ниити девискээрлерин аштаар ажылдарга база киржип болур.
Субботниктер үезинде чурттакчы чон 2024 чылда чаартыр девискээрлер дээш онлайн-бадылаашкынга киржип болур. Волонтерлар чурттакчы чонга "Таарымчалыг хоорай хүрээлеңин хевирлээри" төлевилелдиң дугайында долузу-биле тайылбырлавышаан, онлайн-бадылаашкынга киржирин дузалаар.
Бо чылдың май 31-ге чедир чаагайжыдар объектилер дээш онлайн-бадылаашкын уламчылап турар. Бадылаашкынга республиканың 14 хардан өрү назылыг чурттакчы бүрүзү бодунуң шилип алган девискээри дээш соңгуп болур.
/ Бистиң корр.
Чуруктарны интернет четкизинден алган.
"Шын" №29 2023 чылдың апрель 22
Бүгү-российжи субботник
22 апреля 2023
34