Россия Федерациязының Президентизиниң Сибирь федералдыг округта бүрүн эргелиг төлээзи Анатолий Серышев Новосибирск облазының Маслянино муниципалдыг округунга ажылчын үнүүшкүннү кылган. Ол чаа бүдүрүлге объектилериниң, ол ышкаш социал болгаш турисчи инфраструктура объектилериниң тудугларын хынаан.
Анатолий Серышев Сибирьде эң улуг инвестиция төлевилелдериниң бирээзи – хөй янзы сүт продукциязын бүдүрер завод тудуунга четкен. Ол завод чаштар чемненилгезиниң кол холуксаазы – кургаг холуксаа бүдүрер Россияның кол бүдүрүкчүлериниң бирээзи апаар. Бо чиг этти даштыкыдан садып алырындан ойталаарын ол чедип алыр. Бүдүрүлге чылда 16 муң хире тонна сыворотканы бүдүрер. А завод хүнде-ле 1,1 муң ажыг тонна чиг сүттү бүдүрер күчү күштүг болур. Бүдүрүлге ажылдай бээрге 620 хире чаа ажылчын олуттар тургустунар.
Бүрүн эргелиг төлээ Сибирь регионнарынга туризмни хөгжүдеринче онза кичээнгейни угландырган. Маслянино муниципалдыг районнуң Чупино суурда «Форест» парк-отельди база хынаан. «Туризм болгаш аалчылар хүлээп алыр индустрия» национал төлевилел-биле объектини туткан. Парк-отель эрткен чылдың август айдан эгелеп ажылдап, аалчыларны хүлээп турар. 4,5 гектар черде 50 ажыг модульдуг бажыңнарны, 70 олуттуг ресторанны болгаш чунар-бажың комплекизин туткан. Амгы үениң бассейн болгаш спа-комплекс тудуу доосту бээрге, ачы-дузалар хемчээли элээн калбарар. Амгы үеде объектиде 49 кижи ажылдап турар, оларның 39-у – чоок кавы суурларның чурттакчылары. Төлевилел ниитизи-биле 86 ажылчын олуттарны ажыдар ужурлуг.
Бүрүн эргелиг төлээ регионнарже ажыл албан кылып чорааш, амгы үениң болгаш шынарлыг өөредилгени чедип алырынга дең эргени хандырар күрүнениң мурнады хөгжүдер угланыышкыны бооп арткан өөредилге албан черлерин доктаамал кезип турар. 2020 чылда «Новосибирск облазында өөредилгени хөгжүдери, уругларны болгаш сургуул аныяктарны социализастаарынга байдалдарны тургузары» күрүне программазы-биле Новосибирск облазының Маслянинода туттунган П.П. Лановенчик аттыг ортумак ниити билиг школазында өөредилге чорудуун канчаар организастаанын Анатолий Серышевке көргүскен.
Школада 400 ажыг өөреникчи бар. Албан чериниң инфраструктуразы сайзыраңгай, хуралдаар, танцылаар, тренажер база спорт залдары, библиотека төвү, амгы үениң класстары болгаш 189 олуттуг чемненир чер бар. Оон өскеде уругларның бүгү талалыг сайзыралынга дээш таарымчалыг байдалдарны тургускан. Школада «Өөредилге» национал төлевилели-биле туткан «Өзүлде точказы» деп чурагайлыг болгаш гуманитарлыг угланыышкынныг өөредилге төвү база өске-даа төптер, музей, мастерскаялар, клубтар, мини-планетарий ажылдап турар. Школа амгы үеде профугланыышкынныг программазын таныштырып, аграрлыг секторга ажылдаарынга чугула эртемнерни өөредир тускай класстарын бүрүн эргелиг төлээге көргүскен.
Ажылчын сургакчылаашкын үезинде бүрүн эргелиг төлээ Масянино суурда Тиилелге парыгында 1941-1945 чылдарда Ада-чурттуң Улуг дайынында мөчээн дайынчыларынга болгаш дайынчы операцияларның киржикчилеринге тураскаалдыг обелискилерге чечектерни салып, мөчээн маадырларга хүндүткелдиң мөгейиин кылган.
Көдээ девискээрлерни хөгжүдери база суурларда амыдыралдың шынарын бедидери – Россияның Президентизи Владимир Путинниң хууда контролюнда стратегтиг угланыышкын. Чаа национал төлевилелдер болгаш күрүне программалары ону боттандырарынга күчүлүг аргаларны берип турар. Ол аргалар чер-черде оларны боттандырарынга шиитпирлиг базым-дыр деп, бүрүн эргелиг төлээ демдеглээн. Анатолий Серышевтиң бодалы-биле алырга, регионалдыг эрге-чагырга органнарының, тус чер бот-башкарылга органнарының, сайгарлыкчы чорук адырының, чурттакчыларның боттарының кады болгаш демниг ажылдажылгазы-биле көдээ девискээрлерге езулуг «өзүлде точкаларын» тургузуп болур.