Владислав Ховалыг Сибирь Федералдыг округтуӊ бүзүрелдиг регион баштыӊнарыныӊ рейтингизин баштаан.
«Хөй-ниитиниӊ саналы» деп фондунуӊ социологиязия шинчилелдерин үндезилеп алырга, Тываныӊ Баштыӊы российжи башкарыкчыларныӊ рейтингизиниӊ лидерлериниӊ аразында келген. Шинчилелдерниӊ түӊнелин бистиӊ парлалга черинге көрүскен.
Айтырыг-харыыга киришкен улустуӊ 73,6 хуузу Владислав Ховалыгныӊ ажылын «эки» деп үнелээн. Социал төлевилелдер адырында республиканыӊ удуртулгазыныӊ улуг ажылды кылып чорудуп турарын эксперттер шагда-ла демдеглээн. Чижээ, баштайгы одуругда эмнелге ажылдакчыларынга ажыл-албанындан берген бажыӊын хуужудуп алырыныӊ чөпшээрээни. Оон аӊгыда, ук республика «дузалакчы регион» болуп, Моолче, дириг амытаннарныӊ халдавырлыг аарыы тарап турар амыр эвес черже, боттарыныӊ специалистерин чорударынга белен болуп турар. Бо бүгү чүүлдер рейтингиге болгаш улустуӊ эрге-чагыргага бүзүреп турарыныӊ деӊнелин үнелээринге салдар чедирип турар.
Томск областыӊ Владимир Мазур, Омск областыӊ Виталий Хоценко, Иркутск областыӊ Игорь Кобзев деп губернаторлары рейтингиде багай эвес турушту ээлээн.
Алтай крайныӊ Виктор Томенко биле Хакасияныӊ Валентин Коновалов баштыӊнар — аутсайдерлерниӊ аразында. Кожавыста регионнуӊ удуртукчузунуӊ ажылын респондентилерниӊ чүгле 27 хуузу «эки» деп үнелээн, ынчангаш ол рейтингиниӊ 89 дугаарында болган.
Тываныӊ Чазааныӊ медээлеринден Р. Демчик белеткээн.