Бай-Хаак суурнуӊ православ шажын чүдүкчүлериниӊ чаа ниитилели (приход) 2010 чылда тургустунган. Мөргүл эрттирер чери чок болганы-биле, он чыл дургузунда тудугжулар вагонунга чыглып турганнар.
Үрде манааны хүрээниӊ тудуун эрткен чылдыӊ майда эгелээн. Тудугнуӊ кол-кол ажылдарын кыска хуусаа иштинде кылган. Чаа хүрээге баштайгы мөргүлдү ынчан эрттирген.
Хүрээниӊ иштин каастап шимээр болгаш ооӊ девискээрин чаагайжыдар ажылдар бүрүнү-биле доозулган.
Таӊды кожууннуӊ Бай-Хаак суурда православ хүрээни христиан шажынныӊ төөгүзүнде Ыдыктыг Никитага – эрте-бурунгу Новгород хоорайныӊ Печорский хүрээзиниӊ еписковунга тураскаадып адаан.
Хүрээни айызап ыдыктаар ёзулал сентябрь 24-те 9.00 шакта болур. Тываныӊ христиан шажын чүдүкчүлеринге Улуг ёзулалды Кызыл епархиязыныӊ башкарыкчызы, Ыдыктыг архиепископ көрей Феофан эрттирер.
Бистиң корр.
Чурукту интернет четкизинден алган
«Шын» №68 2023 чылдың сентябрь 13