“Ак чем - 2022” делгелгеде Бай-Тайга кожуундан “Бай-Тал” КХН база киржип чедип келген. Ооң директору Кызыл-Кат Кочал-оол кылып турар ажылының дугайында таныштырды: “Бүдүрүлгевисте ак чемнерден хымыс, курут, кадыктар, үүргеннелиг кадыктар дээш оон-даа өске чемнерни кылып турар бис. Шупту 3 кижи ажылдап турар. Бевисти бо чылын агаар-бойдустуң берге байдалы-биле орай саггаш, ам саарын соксадып турар бис. Чүге дээрге оът-сиген эвээш үнген, кааңнаашкынныг болганы-биле чаңгыс катап сагган бис. Сагган сүдүвүстү маңаа эккээривиске дораан саттына берди. Ак чемнерни хоорай чурттакчылары черле аажок сонуургаар болгаш, бичии када-ла болду. Ак чем-биле ажылдаарга эки-дир. Ону шупту хереглээр, чиксээр болгаш, чагыглар хөйү-биле кирип турар. Ам-даа кызып ажылдаар бис” – деп чугаалаан. Бо чылдың май 5-тен тура КХН-ниң ады "Бай-Тал" кылдыр эде адаттынган дээрзин директор дыңнаткан.
Ч. Саая.
Авторнуң тырттырган чуруу.