Эргим чаңгыс чер чурттугларым!
Бөгүн эң-не чырык болгаш буянныг байырлал келди, ону уруглар болгаш улуг кижилер бир аай четтикпейн манаарлар. Чаа чылды уткуп тургаш, бистиң тиилелгелеривисти, чаңгыс эвивисти, бисти күчү-шыдалдыг болдуруп чоруур бергелер болгаш шылгалдалар үезинде бот-боттарывысты деткижип чоруурувусту кадагалап арттырарын кызыдар бис.
Чоруп бар чыдар чыл Россияга улуг-улуг болуушкуннар, харыысалгалыг шиитпирлер-биле байлак болган, бистиң национал баштыңчывыс тодаргай сорулгаларны болгаш соругдаашкыннарны мурнувуска салган. Үнүп олурар чылда бистиң чедиишкиннеривис моон-даа соңгаар өктерээр дээрзинге бүзүрээр мен.
Үнүп олурар 2024 чыл бис бүгүдеге улуг арга-шинектерниң, эң дидим планнарның боттанылгазын оштаан чыл болзун!
Чаа чылда чуртувустуң сайзыралы улам хөгжүп, кижи бүрүзүнге аас-кежиктиг, өөрүшкү-маңнайлыг, амыр-тайбың болгаш чедиишкиннерлиг болурун күзедим! Чаа чыл-биле эргим чаңгыс чер чурттугларым!
Тыва Республиканың Чазааның Даргазы Владислав ХОВАЛЫГ.
«Шын» №100 2023 чылдың декабрь 30