Россия Федерациязының эвээш санныг үндезин чоннарының хүнү-биле Соңгу чүктүң, Сибирьниң база Ыраккы Чөөн чүктүң кыдыг-кызыгаар чок делгемнеринде бурун шагдан бээр чурттап чоруур үндезин чоннарының төлээлеринге чүрээмниң ханызындан байырымны чедирдим.
Күрүнениң Баштыңының Чарлыы-биле тургускан бо хүннү Россияның чоннарының чаңгыс деминиң чылында бир дугаар демдеглеп турары төөгүлүг. Чуртувустуң хөй национал өг-бүлелеринде чон бүрүзүнүң үнелиг болгаш чугула чүүлдерин онзалап демдеглеп турар.
Силерниң шажынчы күжүңер база амыдыралчы энергияңар дагның, тайганың болгаш тундраның кадыг-дошкун агаар-бойдузунга шыдамык чорууңар үлегер бооп чоруур. Чүс-чүс чылдар дургузунда мындыг байдалга онзагай бүдүштүг культураңар база аңгы-аңгы этниктиг бөлүктерниң ажыл-агыйының онзагай чүүлдери хевирлеттинип келген. Ол чүүл оларның ханы билиин база долгандыр делегей-биле аяннажып шыдаарын каттыштырып турар.
Россияның материалдыг болгаш шажынчы чарылбас кезээ бүгү кижи төрелгетенниң үнелеп четпес өнчүзү, эвээш санныг үндезин чоннарның бойдус ажыглалының, культурлуг салгалының, дылдарының хөй янзызының чаңчылчаан аргалары.
Шупту адырларда улуг өскерлиишкиннер болуп турда, амыдыралының чаңчылчаан хевирин кадагалап арттырары берге. Ынчангаш Россияның күрүнези эвээш санныг үндезин чоннарның турум хөгжүлдезиниң айтырыгларынче улуг кичээнгейни салып турар. Россия Федерациязының эвээш санныг үндезин чоннарының хүнүнге тураскааткан хемчеглер эрттиреринге, ол ышкаш ол чидиг айтырыглар-биле харылзаалыг шиитпирлерге күрүне болгаш ниитилелди каттыштырарынче угланган.
Сеткилимниң ханызындан силерге, өг-бүлелериңерге база төрел бөлүк общинаңарга чаагай чорукту, быжыг кадыкшылды база келир үеже бүзүрелди күзедим!
Хүндүткел-биле, Сибирь Федералдыг округта Россия Федерациязының Президентизиң бүрүн эргелиг төлээзи А. Серышев.
“Шын” №16 2026 чылдың апрель 30
"Шын" солуннуң МАХ-каналынга каттыжыңар max.ru/join/egenQ...