«Шын» 12+

Байыр чедириишкини

6 мая 2023
64

Силер бүгүдеге Тыва Республиканың Конституция хүнү-биле Дээди Хуралдың (парламентиниң) мурнундан байыр чедирип ор мен!

Россия Федерациязының амгы Конституциязы чурттуң субъектилери боттарының Конституцияларын азы Уставтарын хүлээп алырын магадылап турар. Тыва Республика чурттуң Үндезин Хоойлузунуң чүүлүн ажыглап, 2001 чылдың май 6-да бодунуң Конституциязын хүлээп алган. Ында «Кижи, ооң эрге-ажыктары болгаш хосталгазы – дээди үнелел болур» деп айыткан.

Эрткен чылдар дургузунда конститусчу нормалар республиканың күрүне тургузуушкунунда болгаш хөй-ниити амыдыралында быжыглаттынган. Бистиң амгы сорулгавыс – Тываның Конституциязында чарлаттынган чүүлдерни кадагалаары болгаш амыдыралга боттандырары болур.

Бистиң Үндезин Хоойлувус республиканың хөгжүлдезинге чаа аргаларны тургузуп турар. Тываның хөй нация чону төрээн республиказынга ынак, ооң моон-даа соңгааргы сайзыралы дээш сагыш аарып, кызымак ажылдап чоруур. Тыва Республиканың Конституциязы – амгы үениң негелделеринге дүгжүп турар деп чугаалап болур.

Конституция хүнүн таварыштыр силерге аас-кежикти, кадыкшылды болгаш тайбың чуртталганы күзедим!

Хүндүткел-биле,
ТР-ниң Дээди Хуралының (парламентизиниң) Даргазы К. ДАВАА.

Алдынай Аракчаа