2025 чылдың апрель 15-тен эгелеп республикада “Көдээниң культура ажылдакчызы” программага киржир күзелдиг улустан билдириишкиннерни хүлээп эгелей берген.
Шак ол программа-биле көдээ черге ажылдап чеде берген культура адырының ажылдакчыларынга 1 сая рубль деткимчени хары угда чаңгыс удаа бээр. Программаның кол негелде- зи – барган черинге үзүктел чок 5 чыл ажылдаар.
Программага киржир күзелдиг улустан кандыг документилер негеттинери болгаш өске-даа ол дугайында тодаргай медээни Тываның Культура яамызының албан ёзузунуң дараазында сайтызындан билип ап болур.culture-tyva.ru/ministerst...
Тываның кожууннарынга культура шугумунга ажылдаксаар күзелдиг улус үстүнде сайтыже киргеш, херек чүүлдерни долдургаш, документилерни дараазында адреске дужаар: Кызыл хоорай, Щетинкин-Кравченко кудумчузунда 46 дугаарлыг бажың, 1 каът, Курлавыр төвү деп кабинет. Харылзажыр телефон: 7-74-97
Ук программа 2025 чылдан тура боттанып эгелээн “Өг-бүле” национал төлевилелдиң сорулгаларынга дүгжүп турарын сагындыраал.
Бистиң корр.
ТР-ниң Культура яамызының медээзи болгаш чуруу.
"Шын" №15 2025 чылдың апрель 24