Россияныӊ Культура яамызы «Улуг гастрольдар» болгаш «Бистер – российжилер бис» деп федералдыг ийи улуг программаны боттандырып турар.
Башкирияныӊ күрүнениӊ ойнаарактар театры Бүгү-российжи гастроль-концерт планы ёзугаар Тывада аалдап келген дээрзин республиканыӊ Культура яамызы дыӊнадып турар.
Апрель 8,9,10 хүннеринде Тываныӊ көрүкчүлеринге Ольга Штырлаеваныӊ башкир улустуӊ тоолдарын үндезилеп тургусканы «Өскүс дилги» деп шиизин, Петр Васильевтиӊ «Муӊ болгаш чаӊгыс дүн» деп шиизин, Корней Чуковскийниӊ «Айболит эмчиниӊ ужуралдары» (Диана Гараеваныӊ тургусканы-биле) шиизин бараалгадып көргүзер.
Апрель 8-те 16:00, 19:00 шакта «Тысяча и одна ночь» деп шии Тываныӊ В.Көк-оол аттыг Национал театрынга болур.
Апрель 9-та 11:00, 13:00 шакта «Лиса –сирота» деп шии,
Апрель 10-да 11:00, 13:00 шакта «Приключения доктора Айболита и его друзей» деп шии, Тываныӊ күрүнениӊ ойнаарактар театрынга болур.
Р. Демчик белеткээн.
Чуруктарны интернет четкизинден алган.