Инвалидтер декадазында
Республикада декабрь 3-тен тура инвалидтер декадазы чарлаттынган. Кадыының байдалының аайы-биле кызыгаарлаттынган арга-шинектиг чонче улуг кичээнгей салыры-биле чер-черлерде аңгы-аңгы хемчеглерни эрттирип турар. Республиканың караа көрбес улустуң тускайлаттынган ном саңының ажылдакчылары боттарының номчукчуларынга база бир чаа “чугааланыр” номну белеткеп үндүрген.
Көк-оол Чамыянның «Хаяа» деп номунда 30 чылдарның эгезинде Кара-Хаак болгаш Даспы деп черлерге тыва арат малчыннарның амыдырал-чуртталгазының дугайында чугаалап турар. Бо "чугааланыр" номну караа көрбес улустуң ном саңының ажылдакчызы Аяна Молдурушку номчуп күүсеткеш, тускай камгалаттынган хевирге белеткеп үндүрген. “Чугааланыр” ном амгы үеде санныг технология сайзыралының аайы-биле чаа үениң негелдезинге дүүштүр, авторнуң эрге-ажыын хажытпазы-биле камгалаттынган (криптозащита) болгаш ону чүгле тускай тифлофлешплеер-биле дыңнап болур. Чугааланыр номнарны Кызыл хоорайның Кечил-оол кудумчузунда 5 дугаарлыг бажыңда тускайлаттынган ном саңынга келгеш, SD-флеш-картаже бижиттирип ап болур.
#тува #тыва #культуратувы #тывакультура #библиотекитувы #специальнаябиблиотека #ТувРСБ #чааном