Каа-Хем кожуунда, бойдус-чурумалдыг Улуг-Хемниң эриинде, «Бельбей» лагеринде уруглар дыштанып эгелээн.
Бо каш хонук дургузунда оолдар, уруглар лагерьниң девискээри-биле база бот-боттары-биле таныжып алган.
Сменаның байырлыг ажыдыышкынында школачылар боттарының салым-чаяанын бараалгаткан: каттырынчыг көргүзүглер, танцы-сам, ыр-шоор үзүктелбээн. Ооң кырындан салют кежээге онзагай шинчини киирген. Ол бүгү уругларга уттундурбас болуп артары чугаажок.
База бир хүннү турисчи походка тураскааткан. Уруглар христиан шажынның бичии хүрээзин көрген соонда, паромга олурганнар. Оон аңгыда, Каа-Хем кожууннуң бойдус байлааның дугайында билип ап, тус черниң үндезин чурттакчыларының езу-чаңчылдары-биле танышканнар.
Бистиң корр.
"Шын" №43 2024 чылдың июнь 12