«Сайгарлыкчыларывыска деткимчени дүрген боттандырарын негеп тур мен» – деп, Шолбан Кара-оол социал четкиде бодунуң хууда арнынга бижээн.
«Биче болгаш ортумак сайгарлыкчы чоруктуг ажыл-агыйларга нарын үелер эгелеп турар. Ону дыка эки билип тур бис. Бүдүрүлгелеривис, сайгарлыкчыларывыс ажыл-агыйларын, партнёрларын, ажылдакчыларының – ажылчын олуттарын кадагалап арттырып алзын дээш, баштайгы ээлчегде кылыр ужурлуг деткимче хемчеглеривис:
– Кижилерниӊ амы-тынын болгаш кадыкшылын камгалаарынга херектиг хыналдалардан аӊгыда, надзор органнарыныӊ өске хыналдаларын доктаадыр;
– (УСН) Үндүрүг онаарыныӊ бөдүүнчүткен системазы-биле «Орулгалар» деп объектилерге үндүрүг ставкаларын 6%-дан 1%-га чедир бадырган бис
– «Чарыгдалдарын казып каан соонда, орулгалар» деп объектилеринге үндүрүг ставкаларын 15%-дан 5 %-га чедир бадырган;
– Орулгаларныӊ чаӊгыс аай үндүрүүн санаарынга ажыглап турар К2 өйлээр коэффициентини бадырган;
– Чамдык категорияларныӊ үндүрүг төлекчилеринге чер үндүрүүнүӊ талазы-биле чиигелделерни тургускан;
– Күрүнениӊ болгаш муниципалитеттиӊ өнчү-хөреӊгизин арендалап турар сайгарлыкчылар 2020 чылдыӊ март 1-ден 2020 чылдыӊ сентябрь 1-ге чедир аренда хөлезинин төлээринден хостаар;
– Тыва Республиканыӊ девискээринде шимчевес объектилерниӊ болгаш чер участоктарыныӊ кадастр өртээн өстүрери хоруглуг болур;
– Коммуналдыг хандырылгаларны кызыгаарлаар чурум тургуспазын, ол ышкаш чурттакчы чонга коммуналдыг хандырылгаларны ажыглааны дээш төлевирлерин соӊгаарладыр;
– Хөй улусту ажылдан үндүрер чорукту болдурбазы-биле, сайгарлыкчыларга ажылчыннарыныӊ камгаладылга дадывырларыныӊ орнун төлээр субсидияларны бээр механизимни дүрген тывар;
– Эвээш түӊнүг биче чээлилер болгаш гарантияларга, эвээш хуулуг ставкаларны тургузарын Экономика яамызындан негедим.
Чуртувустуӊ удуртулгазы-биле байдалды сайгарып көрүп турар бис. Кымны-даа берге байдалга чааскаан арттырбас бис».
#Шын