Төп шериг округундан медээлер
Төп шериг округунуң инженер салбырларының шериглери тускай тактиктиг өөредилгениң үезинде Тыва Республикага беш көвүрүгнү тударлар. Ол дугайында Төп шериг округунуң шериглериниң командылакчызы генерал-полковник Александр Лапин дыңнаткан.
«Социал объектилерниң транспорт-биле чедингирин хандырар сорулга-биле Тыва Республиканың ийи кожуунунуң чурттакчыларының аргыжылгазынга беш чаа көвүрүгнү тудуп-тургузар. Оларны инженер салбырларның күжү-биле тургузар» - деп, Александр Лапин дыңнаткан.
Бирээзи-ле 80 метр хире узун үш көвүрүгнү Мөген-Бүрен хемни кежилдир салыр, а кайызы-даа 20 метр узун ийи көвүрүгнү Чыргакы хемге тудар.
Көвүрүг кежиглерин тударының талазы-биле тускай тактиктиг өөредилгеге Төп шериг округунуң инженер салбырларының 50 ажыг шериг албанныы база 20 кезек инженер техниканы хаара тудар.
📢ЧАА ӨӨРЕДИЛГЕ ҮЕЗИНИҢ ИШТИНГЕ
Тыва Республикада паараңнаан Төп шериг округунуң мотоаджыгжы (даг) каттыжыышкынының шериглери чаа өөредилге үезиниң бирги тактиктиг өөредилгезинге киришкен. Шериг объектилерже халдаашкынны ойтур шаварының талазы-биле хөделиишкиннерни олар ажылдап кылганнар. Өөредилгеге 100 ажыг шериг албанныгны база 10 кезек шериг техниказын хаара туткан.
Төп шериг округунуң ниити-шериг каттыжыышкыны Новосибирск, Кемерово, Омск, Тюмень, Иркутск областарында, Алтай крайда база Тыва Республиканың девискээринде паараңнаан. Ооң хүрээлеңинче мотоаджыгжы, артиллерия болгаш зенитка-ракета каттыжыышкыннары, радиация, химия, биологтуг камгалалдың болгаш харылзааның шериглери кирип турар.
📢ҮНҮҮШКҮННҮГ ХҮЛЭЭП АЛЫЫШКЫН
Россия Федерациязының Камгалал яамызының үнүүшкүннүг хүлээп алыышкыны Төп шериг округунуң Иркутск болгаш Кызыл гарнизоннарында шериглеринге ажылдап хүнзээн.
Ооң ажылын Россияның Камгалал яамызының Хамаатыларның өргүүделдери-биле ажыл чорудар эргелелиниң начальниги Наталья Белоусова удуртуп эрттирген.
Тывага хамаатылар хүлээп алыышкынын 55115 шериг кезээнге эрттирген. Аңаа 150 ажыг кижи киржип, ооң үезинде шериг албанныглар, оларның өг-бүлелериниң кежигүннери база хамааты персонал ужурашкан.
Үнүүшкүннүг хүлээп алыышкынның составынга саң-хөө-экономика, чурттаар оран-сава, кадр, медицина, шериг-политиктиг болгаш өске-даа шериг эргелеп-башкырылга органнарының специалистери кирип, хууда хүлээп алыышкынга 30 хире өргүүделди сайгарып көрген.
ТР-ниң Шериг комиссариадының парлалга албаны.
#Төпшеригокруг #Тываныңшеригкомиссариады #Шынсолун #Тыва #Тывамедээ #Тывадыл #Тывамедиагрупп #Тува #Tuva #TMG #TMGNEWS #Tuvanews