Бешбармак

КАЗАХ КУХНЯ
Бешбармак азы бесбармак – казах кухняның болгаш Ортаа Азияның өске-даа национал кухняларының байырлалдарга салыр бир кол чеми. “Бешбармак” казах дылдан очулдурарга (“беш” биле “бармак” деп сөстерден тургустунган) “беш салаа” дээн. Көшкүн чоннар чемненир херекселдер ажыглавайн, беш салаазы-биле чемненир турган. “Бешбармак” хайындырган эъттен, өйгеш, дөрбелчинней кескен далгандан база мүнчүг мүнден тургустунган.

6 порцияга херек чүүлдер: 1 кил эът (хой, инек, аът эъди болур), 150 г ак үс, 2 баш согуна, чесноктуң 2 дижи, дус, кара перец.

Калбак далганынга херек чүүлдер: 1 чуурга, 1 кил далган, дус.
“Бешбармакты” кылыры: Эътти дузааш, согуна, чеснок, перец-биле кады 2–2,5 шак оожум отка хайындырар. Эътти сөөктеринден адырлып, чиирге ааска “эстип” турар кылдыр хайындырар.

Эът хайнып турар аразында, далганны туткаш, өттүр көстүр чыгыы кылдыр чугаладыр өйгеш, дөрбелчин ромбиктей кескилээр.

Хайынган эътти паштан эскеш, улуг эвес кезектерге “ора” тыртып кааптар.

Эъттиң хайынган мүнүнче далганны каггаш, 15 минута хайындырар. Далганны эскеш, тавакка каътташтыр салыр: далганның кырынга эът, оон согуналыг соус. Кырынче амдан киир кара перецти бызаптар.
Согуналыг соусту кылыры: бичежек оңгар савага төгериктей кескен согуна, бичии ак үс каггаш, перецтээш, кырынче эът мүнүн куткаш, холуй булгаптар.

«Шын» №46 2024 чылдың июнь 22