90 чылдарда Буян 2-ги класска өөренип тургаш, чаа ажыдыышкын кылган. Ол үениң 500 рублин тудуп алгаш:
– Оо, бешти пять дээр, ийи тикти сот дээр чүве-дир але, авай? – дээн.
*** *** ***
Сылдыстың ачазының документ ёзугаар ады – Жанцан. Амыдыралда ону Арзылаң дээр. 2 дугаар класска башкы кичээл эрттирип тургаш, дириг амытаннар чуруктары көргүскеш, орус дылга чүү дээрин айтырып турган. Башкы арзылаң чуруун көргүзер- ге, уруглардан кым-даа холун көдүрбээн – боданып олурганнар хире. Сылдыс хенертен кожаш кылдыр тура халывышаан, холун көдүрген. Башкы амырааш, шымдай-ла:
– Сылдыс молодец! Давай, скажи, кто это?
– Жанцан!
*** *** ***
Аяс уруглар садындан авазы-биле чанып олурган. Элээн ыракта ыттар хержип турган. Аяс авазындан:
– Авай, сен кортпайн чор сен бе? – деп айтырган.
– Чок, оглум. Авазы кончуг дээн камгалакчы эр-биле чоруур болгай.
Кончуг камгалакчы эр база чүден-даа кортпайн чоруур, чүге дээрге ол авазы-биле кады чоруур болгай.
*** *** ***
Буян онаалга кылып олургаш дыңнаарга, магнитофонда Андрей Державин ырлап турган: «Давайте, выпьем, Наташа, сухого вина...». Буян очулдуруп ырлаан:
– Че, Наташа, ижээлем, кургаг бурууну...
*** *** ***
– Авай, сен бичии туруңда, компьютер турган бе?
– Чок, оглум.
– А Ди-ви-ди?
– Чок.
– А телефон, планшет...
– Чо-ок, оглум, олар-даа турбаан.
– Ынчаарга сен дириг динозавр көрген сен бе?
Чуруктарны ГигаЧатка чуруткан.
“Шын” №11 2026 чылдың март 26