Хертеш-Кара инээвис чоп
Кегженири дендей берди?
Сарыг-Алаак кирип чорааш,
Чаг-саат хооруп алган чоор бе?
**
Чартык хүн дээш угбам чүге
Чадаанаже чоруй барды?
Дээрде хүннү көөрүмге,
Демги хевээр бүдүн чүвел?
**
Уларбан чоп дүне дашкаа
Удуп хонар дээр сен, акый?
Коля биле бистер ышкаш
Кортук эвес хава-дыр аа?
**
Алик сугнуң шокар диизи
Аңчы дииспей чорду, ачай.
Эртежизи хөлчок бертен
Эрес сугдан чүгүрүп ор.
**
Овчарканы ылап көрдүм,
Орлан сугга бараал, ачай,
Каш көпей болур чүвел,
Хамаан эвес садып берем.
**
Балык дүне сугга удуур
Бажы чүге аарбас чүвел?
Эжим-биле эштиримге,
Эчигейи кончуг чүвел?
Таспай СААЯНЫҢ
«Частың белээ» деп номундан алган.
«Шын» №11 2025 чылдың март 27