Салтан хаан, Гвидон база Даңгына-Куу куш дугайында мультфильм көрүп олур бис. Гвидон Даңгына-Куу куш-биле өгленип турарын Арина көргеш:
— Олар өгленип алган ол бе? Ам олар ажы-төлдүг апаар бе?
— Ынчанмайн канчаар, ийе!
— А Даңгына-Куу куш өпеяа божуптар бе азы чуургалап- тар бе?
— …?
***
Дуңмамның 4 харлыг оглунга уруглар садының психологу тест айтырыглары салып турган. Чуруктарлыг карточкаларда чүнү чураанын (ыт, бажың, хүн, кижи, булут…) ададырга, ол төнчүзүнге чедир чүнү-даа ыыттавайн олурган. Психолог мындыг түңнел үндүрген — сайзыралы чыдып калган.
Кабинеттен үнүп келгеш, авазы айтырган:
— Ренат, чүге чаңгызын-даа адавадың, ында чүнү чуруп каанын билир болгай сен?
Оглу хомудап харыылаан:
— А чүге ындыг чүве айтырып турду? Мугулай кижи эвес мен?
Чурукту ГигаЧатка чураан.
«Шын» №32 2026 чылдың август 20
"Шын" солуннуң МАХ-каналынга каттыжыңар: max.ru/channel_shyn