«Ада-чурт камгалакчылары» күрүне фондузу кожууннарже үнүүшкүннерни кылып эгелээн.
Эрткен хүннерде Бии-Хем кожууннуң төвү Туран хоорайга 10 хамаатыны хүлээп алган. Оларның тозу Туран хоорайның, а бирээзи Аржаан сумузунуң чурттакчылары болган.
Социал төлевирлер алыр документилер долдурарынга, тускай шериг операциязының доозукчу оглун өөредилге черинче кииреринге, эмнээшкин алырының дугайында дээн ышкаш айтырыглар билдириишкиннер аразында бар болган. Суд таварыштыр шиитпирлээр нарын айтырыглар база илерээн.
Билдириишкин киирген хамааты бүрүзү долу болгаш тодаргай консультацияны чогуур деңнелге алган. Чамдык айтырыгларны ол-ла дораан аай-дедир долгап тургаш шиитпирлээн. А суд таварыштыр шиитпирлээр айтырыгларлыг хамаатыларны адвокатка быжыглап, билдириишкиннерни ол-ла черге бижээн. Тускай шериг операциязының киржикчизин эмчиге чыттырган.
Бистиң корр.
Чуруктарны интернет четкизинден алган.