Республикада социал керээ-биле күрүнениң социал дузаламчызын алырынче билдириишкиннер хүлээп алыры уламчылавышаан. Бо деткимчени «Өг-бүле» национал төлевилел-биле эвээш орулгалыг өг-бүлелерге болгаш чааскаан чурттап чоруур хамаатыларга социал деткимче көргүзер күрүне программазы-биле боттандырып турар. Социал керээ дээрге күрүне биле кижиниң аразында бизнес эгелээринге, ажыл тып алырынга, чаа мергежилге өөредиринге азы дузалал ажыл-агыйы эгелээринге социал керээни чарар.
Регионалдыг Чонну ажылга хаара тудар төптүң дыңнатканы-биле алырга, бо чылдың тос айларында 2261 социал керээлерни чарган. 2025 чылдың төнчүзүнге чедир социал керээ программазы 3268 кижини хаара тудар ужурлуг. Социал керээ чарарының саны-биле республиканың кожууннарындан Кызыл кожуун мурнап, 97 керээни чарган. Ооң соонда Чөөн-Хемчик кожуун — 51 база Улуг-Хем кожуун 32 керээни чарган. Тес-Хем кожуун биле Ак-Довурак хоорай 27 база 26 керээ чаргаш, 4-5 дугаар черлерде.
Чөөн-Хемчик кожуундан 60 хамааты хууда дузалал ажыл-агыйын тудар керээни чарган. Кызыл кожуун — 44, а Улуг-Хем – 34. Дөрткү черде - Таңды кожуундан 32 керээ, Барыын-Хемчик биле Каа-Хем кожууннар тус-тузунда 29 керээни чарган.
Тывада чурттакчыларның амыдырал-чуртталгазының деңнелин бедидеринге социал керээ программазы турум шимчээшкинни болгаш үре-түңнелди көргүскен. Тодаргай медээни Кызыл хоорайның Кочетов кудумчузунуң 35 дугаарлыг бажыңында Тыва Республиканың Чонну ажылга хаара тудар төвүнден ап болур. Телефон дугаарлары: +7 (39422) 2-10-10, +7 (39422) 3-69-96.
ТР-ниң Чазааның парлалга албаны.