ӨРТЕМЧЕЙДЕ БОТ-БОТТАРЫНДАН КАЖАНДА-ДАА ЧАРЫЛБАС, КЕЗЭЭДЕ КАДЫ ЧОРУУР БИЛИИШКИННЕР БАР.
- Дүн биле хүн. Олар чокта, чуртталга чок!
- Эр биле кыс. Эр төрүмел чокта, кыс төрүмел база турбас.
- Ай биле хүн. Ай чокта, хүн база үнмес.
- Өөрүшкү биле муңгарал. Кижи бир хүн өөрүп хөглеп-даа орза, өске хүн качыгдап, муңгарап болур.
- Бай биле ядыы. Бир үеде кижи бай-шыырак-даа чорза, өске хүн өнчү-хөреңгизинден чарлып, ядарап болур.
- Алдыы оран биле Үстүү оран. Кижи Үстүү оранга төрүттүнзе-даа, Алдыы оранга база чыдар үези кээр.
- Ак биле кара. Кара үүле чокта, ак үүле база тургустунмас.
- Чуртталгавыс ак биле кара деп ийи таладан (оруктан) тургустунган. Кара орук чокта, кажанда-даа чуртталганың эки-багай талаларын үнелевейн баар сен.
Май-оол МОНГУШ.
Каа-Хем кожуун, Кундустуг суур.
«Шын» №78 2023 чылдың октябрь 14