Бо хүн Россияның Президентизи Владимир Путинниң төрүттүнген хүнү

Чурт Баштыңынга 70 харлыын юбилейи-биле байыр чедирген чылыг күзээшкиннерни Тыва Республиканың Чазааның Даргазы Владислав Ховалыг бодунуң социал четкилеринге бижээн:

"Эргим хүндүлүг Владимир Владимирович!

Тыва Республиканыӊ хөй национал чонунуӊ өмүнээзинден болгаш бодумнуӊ өмүнээмден Силерге юбилейиӊер-биле сеткиливистиӊ ханызындан байыр чедирип тур бис!

Россия шак ындыг баштыңчылыг болганынга чоргаарланып чоруур бис. Чурттуӊ күчү-күжүн быжыглаар болгаш делегей ареназынга ооӊ туружун камгалаар талазы-биле Силерниӊ могаг-шылаг чок кылып чоруур ажылыӊарны бедии-биле үнелеп турар бис. Силерниӊ командаӊарга ажылдаары меӊээ улуг ат-алдар-дыр.

Тываже доктаамал кичээнгей салып, республикага, ооң чонунга хөй талалыг деткимче көргүзүп, чаңгыс эвес удаа кээп, дыштаныр чер кылдыр шилип ап турарыңар дээш, онза өөрүп четтиргенимни илергейлеп тур мен. Бүгү таладан, ылаӊгыя Тываныӊ чурттакчыларынга эргежок чугула чүүлдерге - өг-бүлениӊ социал камгалалынга, экономиктиг хөгжүлдеге таарымчалыг байдалдар тургузарынга, социал инфраструктураны делгемчидеринге сагыш човаашкыныңарны эскерип билип тур бис.

Шак бо чугула ужур-уткалыг чылда Силерниӊ стратегтиг шиитпирлериӊер Россияга тиилелгени сөӊнээр, бүгү регионнарга болгаш чурттуӊ шупту чоннарынга аас-кежиктиг келир үени хандырып бээр дээрзинге бүзүрээр мен.

Шупту күзелдериӊерни боттандырарынга быжыг кадыкшылды, эгээртинмес күш-шыдалдыг болуруӊарны йөрээп, Силерге болгаш Силерниӊ чоок кижилериӊерге өлчей-кежиктиг буянныг чолду күзедим!"