Бөгүн, июнь 28-те, Чазакка понедельник санында болур аппарат хуралынга “Байлак” чайгы дыштанылга лагеринге турган назы четпээн уругларның ковидтен аараанының чылдагааны болгаш оларның бо хүнде байдалынга хамаарыштыр ТР-ниң кадык камгалалының сайыды Анатолий Югай илеткээн.
“Бо хүнде аарыг бадыткаттынган уругларның кадыында айыыл тургустунмайн турар. Улуг-даа, бичии-даа улус, кижи бүрүзү, чогуур эмчи дузазын ап турар.
Республикада 630 оруннарны белеткээн. Ол ышкаш Перинаталдыг төпте болгаш Терапия корпузунда база белеткеп эгелей берген.
Ниитизи-биле бо хүнге чедир республиканың чурттакчыларының 49,6 хуузу (61 муң 477 кижи тарылганы эрткен. Россия деңнели-биле алырга, Тыва 4 дугаар черде турар. Ам, 10 хонуктуң дургузунда 6 муң вакцинаның келири манаттынып турар.
#Кадыккамгалаляамызы #Лагерьбайлак #Шынсолун #Тыва #Тывамедээ #Тывадыл #Тывамедиагрупп #Тува #Tuva #Shyntuva