Тозандайның тос оглунуң бирээзинден-не тос оол төрүттүнген, олардан чеди-чеди оол төрүттүнген, чеди-чеди оолдан – беш-беш, беш-беш оол дан – үш-үш, үш-үш оолдан – бир-бир оол төрүттүнген. Ийи уруглары кайызы-даа оолдарны чартык катап эвээшти төрээн. Шупту чеже оол төрээнил?
(Оолдарның оолдары – 6505, уругларның оолдары – 4253, шупту 10758 кижи).
***
Бир кижи чаңгыс өшкүлүг турган. Бир чыл болганда, ийи анайлыг апарган. Дараазында чылын өшкү бүрүзү ийи анайлыг болган. Он чылда ынчаар уламчылап келген. Ол кижиниң өшкүлери чеже апарганыл?
(59 өшкү).
***
Дүвүреңнээн бир хой аскаш, өөрүн дилеп чорааш, элээн каш өске дүк хойга уткужуп келгештиң:
– Экии, чүс хой! – деп эткен.
Дүк хойнуң бирээи тургаш:
– Бис чүс хой эвес бис. Бистиң кырывыска бис хирени каткаш, ооң кырынга бистиң кезиивисти каткаш, ооң кырынга бистиң кезиивистиң улдуңун каткаш, ам сен хөөкүйнү кадыптар болзувусса, ынчан чүс хой болур-дур бис ийин – деп харыылап-тыр.
Элээн каш дүк хойнуң санын тывыңарам!
(36 дүк хой чораан).
“Шын” №28 2026 чылдың июль 23
"Шын" солуннуң МАХ-каналынга каттыжыңар: max.ru/channel_shyn