ТР-ниң садыг-саарылга палатазының президентизи Аяс МӨҢГЕ:
- Владислав Ховалыг кыска үе иштинде бодун ажылгыр удуртукчу кылдыр көргүстү. Ооң кылган ажылын үнелеп, аңаа бүзүрээш, дем-биле соңгуп алдывыс. ТР-ниң Баштыңының албан-дужаалын хүлээнген байырлыг дүжүлге, езу-чаңчылын шупту кады көрдүвүс. Эң хөй соңгукчунуң үнүн ап, тиилеп үнгеш, бөгүн ажылдап эгелей бергени бо.
Ынчангаш садыг-үлетпүр палатазының болгаш хууда сайгарлыкчыларның өмүнээзинден изиг байыр чедирбишаан, моон-даа соңгаар республикавыс сайзыраар кылдыр улуг күжүн мөөңнеп ажылдаарын күзедивис. Хөмүр-даш болгаш электри өртээн эвээжеткенинге доктаавайн, өске-даа чидиг айтырыгларны дарый шиитпирлеп, чонунуң идегелин өжүрбейн, кызымаккай ажылдаарын күзээр-дир бис».
Айдың ОНДАР.