Акция
2021 чылдың декабрь 1-ге чедир чурттакчы чон эт-хөреңги дээш үндүрүглерин төлээри албан. Ынчангаш чыл санында эртип турар “Бодуңдан эгеле” деп акцияның киржикчилери өске үндүрүг төлекчилеринге үлегер-чижекти көргүзери-биле албан төлээр чыылдаларны хуусаа четпээнде бодунуң күзели-биле төлеп эгелээн. Ук хемчегни РФ-тиң федералдыг үндүрүг албанының Тыва Республикада эргелели организастап турар.
Акцияның бирги киржикчилериниң санында Тываның бойдус курлавырлары болгаш экология сайыдының албан-хүлээлгезин күүседип турар Григорий Ондар бар. Баштайгы киржикчилер акцияга эки тура-биле киришкенин социал четкилерде ведомствонуң арынында дыңнадып, өскелерни база идепкейлиг киржиринче кыйгырган.
РФ-тиң федералдыг үндүрүг албанының Тыва Республикада эргелели nalog.gov.ru сайтыда “Үндүрүг төлекчизиниң хуу кабинединден” азы gosuslugi.ru “Күрүне ачы-дузалары” порталдан азы үндүрүг органындан чеже акша үндүрүг төлээрин билип ап болурун сагындырып тур.
#Үндүрүг #Акция #Бодуңданэгеле #Тыва #Тува #Шынсолун #Тывадыл #Тывамедээ #Tuva #Shyntuva