Чоокта чаа кардиология салбырынче эмнедип, сегип алыры-биле келдим. Чылда чаңгыс катап план ёзугаар эмнедип турар мен. Бо эмнелгеде ажылдап турар эмчилер, эмчи сестралары, поварлар, техниктиг ажыл-дакчылар шупту боттарының хүлээлгезин сеткилиниң ханызындан чаңгыс демниг, бедик деңнелде күүседип турарын эмнедип чыткан үемде эскердим.
Эмчи сестразы Анай-Хаак Делег-ооловна Соянның дамырже ине кииргенин кижи билбейн баар. Ол хире холу чымчак, ёзулуг ховар салым-чаяанны бурган бергенин эскердим.
Ынчангаш кардиология салбырының коллективинге профессионал байырлалын таварыштыр байыр чедирбишаан, шуптузунга черге чедир мөгейдим. Кижиниң аарыг-човулаңын эмнеп бээри – улуг буян чедириишкини деп санап чоруур мен.
Шын эмнээшкинни кылып, чуртталганың чаңгыс-даа хүнүн узадып, чырык хүннүң адаанга чурттаарын хайырлааны дээш, эмчилерниң изинге-даа тейлээринге белен мен.
/ Нина Монгуш.
“Шын” №34 2026 чылдың сентябрь 3
"Шын" солуннуң МАХ-каналынга каттыжыңар: max.ru/channel_shyn