Өөреникчи оол бир хүн өөренмээн.
Даартазында хүн башкызы:
– Дүүн чүге өөренмедиң, Хөөкүй-оол? – деп, башкызы айтырган.
Хөөкүй-оол:
– Авам мээң чүвүрүмнү чуп каан. Школаже өөренип чоруур дээш кедеримге, чүвүрүм кургаваан болду. Ынчангаш өөренмедим, башкы – деп харыылаан.
– Өске чүвүрүң кедип алзыңза – деп, башкы чугаалаан.
Оол:
– Чүгле чаңгыс чүвүрлүг кижи-дир мен ийин, башкы – диген.
Башкызы:
– Ындыг болза чөптүг чылдагаан-биле өөренмээн-дир сен – деп каан.
Бир хүн база Хөөкүй-оол өөренмээн.
Даартазында өөренип чедип кээрге:
– Дүүн чүге өөренмедиң, Хөөкүй-оол? – деп, башкызы айтырган.
Хөөкүй-оол:
– Дүүн эртен өөренир дээш, школаже чоруп ора көөрүмге, силерниң чүвүрүңерни чуггаш, даштын азып каан чорду – деп харыылаан. – Силерниң чүвүрүңер кургаваан, кичээлдер болбас-тыр деп бодааш, дедир чана бердим башкы...
сонуургактарга
Шоколадты кажан-бир валюта кылдыр ажыглап турган.
Картофель – космоска бир дугаар өстүрген ногаа.
Яблокода бир аяк кофеде хире энергия бар.
Японияда чүгле тоолайлар чурттап турар ортулук бар.
Пластик 1000 чылдар ишти ириир, ооң чамдык хевирлери кажан-даа читпес.
Киттер боттарының «ырызын» 1600 км чедир бот-боттарының аразынга ырлажыр.
Муңгараанда ыглаан карак чажы, согуна хээп турда төгүлген карак чажындан тургузуу ылгалдыг.
Бир эвес кижиниң караа камера турган болза, ол барык 576 мегапиксель чөпшээрелдиг болур.
Кижиниң думчуу 1 триллион ажыг чытты ылгап шыдаар.
Кижи бүрүзү дылында салаа истери ышкаш, тускайлаң чуруктуг боор.
Кижиниң организминде эң-не күштүг шыңган — чаак сөөгүнүң шыңганы.
Бир дугаар интернет-сайт 1991 чылда тывылган, ынаар ам-даа кирип болур.
Голливуд эге дээрезинде көдээ суур турган, оон кино индустриязының төвү апарган.
Ары чигиринде бактериялар чок, ынчангаш муң-муң чылдары-биле шыгжаттынып болур.
Бүгү интернетти бир эвес парлап үндүрүптер болза, ооң арыннары 136 миллиард саазын арны болур.
Чурукту интернеттен хоолгалаан.
“Шын” № 23 2025 чылдың июнь 19