Шагаа уткуштур «Бүгү чүвени Тиилелгеже!» деп акцияга Чөөн-Хемчик чону база идепкейлиг киришкен. Өл-шык черде дайынчыларже эът-чемни дараазында ажыл-агыйлар идепкейлии-биле чорутканын мактавас аргажок:
Хөндергейден «Хүндү» көдээ ажыл-агый бүдүрүлге кооперативи (удуртукчузу Сат Улан Чамзырыңович) – бүдүн аът эъди;
Теве-Хаядан Монгуш Шолбан Доржуевич биле Донгак Сылдыс Доржунович – бүдүн аът эъди;
Бажың-Алаактан Ондар Кара-оол Бады-Доржуевич – бүдүн аът эъди;
Шемиден Ховалыг Солун-оол Бартыштанович – 1 хой;
Хөндергейден Монгуш Чингис Борисович – 1 хой;
Чадаанадан Вячеслав Ооржак – бүдүн хой эъди;
Чадаанадан хууда сайгарлыкчы Соскур-оол Чечек Сонамовна – бүдүн хой эъди;
Баян-Таладан чылгычы Ондар Макаар Санчайевич – бүдүн аът эъди;
Бажың-Алаактан Ондар Кара-оол Бады-Доржуевич – бүдүн аът эъди;
Кожууннуң 10 сумузу 1-1 хой болгаш шоодайларда дайынчыларга херек Шагаа белектерин чыгган.
Оон аңгыда Шеми сумузунуң «Борбак-Арыг» волонтёрлар ротазы экер-эрес дайынчыларга камгалал четкилерин болгаш аъш-чемни белеткеп, Тывада дайынчы хөделиишкиннер хоочуннарының «Дайынчы халышкылар» хөй-ниити организациязынга чедирген.
Надежда КУУЛАР.
Чуруктарны интернет четкизинден хоолгалаан.
“Шын” №5 2026 чылдың февраль 12