Республиканың Чазааның Даргазының оралакчызы Тимур Куулар Тываның Баштыңы Владислав Ховалыгның даалгазы-биле Украинада болуп турар тускай шериг операциязында киржип турар чаңгыс чер-чурттугларывыска барып ужурашкаш, материалдыг дузаны чедиргеш, шылгараан дайынчыларга күрүне шаңналдарын тывыскан. Оларның хөй кезии тускай шериг операциязының эң-не эгезинден тура Донбасста шериг хүлээлгезин күүседип, чартык чылдан хөй үениң дургузунда украин нацизм-биле демиселде киржип турар. Шак мындыг ужуражылгалар чаңгыс чер-чурттугларывыска тура-сорукту берип турары чугаажок.
Ооң дугайында Владислав Ховалыг социал четкиде бодунуң блогунда демдеглээн:
«Тимур Борисовичиниң дамчытканы-биле алырга, шериглерниң тура-соруу бедик, 15 минут ужуражылганың соонда ол-ла дораан дайынчы хүлээлгезин күүседип чорупканнар.
Подмосковьеге российжи журналисти өлүрген сөөлгү болуушкун чүгле дайын шөлүнде солдаттарга эвес, а бистиң шуптувуска айыылды тургузуп турар. Чүгле Донбассты эвес, а бүгү Россияның чурттакчы чонун дайзындан бистиң шериивистиң камгалап турарының бадыткалы ол. Бүгү сагыш-сеткиливис, чүрээвис-биле чаңгыс чер-чурттугларывыс-биле кады бис».
А.Ондар белетээн.
Чаңгыс чер-чурттугларывыс-биле кады бис.
3 сентября 2022
24