Хүндүлүг номчукчуларывыс-биле амыр-менди солушпушаан, чаа чылда 100 харлаар өгбе солунувусту чагыдып алырын утпазын дилээр-дир бис. Редакцияның бо хүнде эң-не дүвүредип турар айтырыы – солунувустуң чагыдылгазы. Бо хүнде “Шын” солуннуң 2025 чылдың бирги чартык чылда чагыдылгазы уламчылап турар.
Ооң-биле чергелештир солунувустуң юбилейлиг чылында бир улуг өскерлиишкин — неделяда чаңгыс үнүп эгелээни. Номчукчуларывыс ол дээш улуг дүвүревес-ле боор, чүге дизе солунувус арыннары эвээжевээн-даа, харын-даа чаарттынып, эки талазынче өскерилген деп болур. Ол дээрге 32 арынныг солунувуска авторларның сайгарылгалыг, калбак, номчуштуг материалдары база идепкейлиг бижикчилеривистиң солун чагаалары хөйү-биле үнүп эгелээр. Ол ышкаш төөгүлүг сактыышкыннар, үлегерлиг, төлептиг кижилер, онзагай маадырлар дугайында интервьюлар, солун болуушкуннар, репортажтар, чурумалдар, ажыктыг сүмелер, санал-оналдар, айтырыг-харыы, чогаал, литература арыннары, «Аяк шай» дээш өске-даа сонуурганчыг чүүлдер силерни «Шынның» арыннарында манап турар.
Чагыдылга кампаниязы эгелээрге-ле, «Тывамедиабөлүктүң” реклама килдизи-биле кады чагыдылга ажылын күжениишкинниг чорудуп эгелээр чаңчылдыг бис. Чоокку хүннерде кожууннарже чагыдылга талазы-биле үнүүшкүннер эгелээр. Ындыг ажыл чагыдылгага эки идигни берип турар.
Үнүп келген чаа чылда чаарттынган «Шын» солунну бодуңарга белек кылдыр чагыдып алырын кыйгырып тур бис.
«Шын» солунну 2025 чылдың бирги чартык чылда (6 айда) чагыдылгазының өртээ — 870,36 рубль.
Бир айлап база чагыдып ап болур – 154,06 рубль.
Ийи айда – 290,12 рубль.
Үш айда – 435,18 рубль.
Дөрт айда – 580,24 рубль.
Беш айда – 725,30 рубль.
Солуннуң чагыдылгазын чурттап турар чериниң аайы-биле почта салбырларынга азы болза, Россияның Почтазының албан ёзузунуң сайтызын таварыштыр podpiska.pochta.ru/ чагыдып болур.
Чагыдылга дугайында тодаргай медээни Кызыл хоорай, Красноармейская кудумчузу, 100, 309 дугаар кабинеттен азы 8(39422) 2-18-10, 8-923-267-07-49 дугаарлыг телефоннарже долгааш, билип алыр.
А. СОЯН белеткээн.
«Шын» №1 2025 чылдың январь 16