“Кадык камгалалы” национал төлевилелдиң кадык камгалалының чаартылгазының бирги звенозунуң программазы-биле Бай-Тайга кожууннуң төп эмнелгезинде iMAC 1200 деп маркалыг чаа электрокардиограф келген.
Ук аппарат ЭКГ шинчилгелерин дүргени-биле кылыпкаш, номчуптар аргалыг, дүрген, шынарлыг, бүзүрелдиг диагностиканы чорудуп шыдаптар. iMAC 1200 электрокардиограф медээлерни Wi-fi таварыштыр дамчыдар болгаш компьютерге кожар аргалыг. Бүгү-ле медээлер эмчиниң компьютеринге ол-ла дораан үнүп келир. Ол чүгле эмнээшкинни шын чорударынга эвес, а эмчи шинчилгезиниң түңнелин кыска хуусаа дургузунда ап алыр аргалыг болур.
“Ооң мурнунда биске хирургия болгаш терапия салбырынга ЭКГ аппарады турбаан. Электрокардиографияны поликлиникага барып эрттирер турган” – деп, салбырның терапевт эмчизи Шеңне Хомушу өөрүшкүзүн илереткен.
Ол ышкаш Бай-Тайга кожууннуң төп эмнелгезиниң эмчилери кадык камгалалының чаартылгазының бирги звенозунуң программазы-биле тыныш органнарынга наркоз аппарады болгаш чурагайлыг флюорография аппарады-биле база чүмнеттинген. Келген дериг-херекселдерниң ниити өртээ 12 млн ажыг рубль.
Чыжыргана СААЯ белеткээн.
Чурукту интернет четкизинден алган.
"Шын" №32 2023 чылдың май 3
Чаа дериг-херекселди алган
3 мая 2023
38