Чаа хүрээ 29-тан эгелеп ажылдаар

Тываның Баштыңы Владислав Ховалыг чаңгыс чер чурттугларынга чаа хүрээже апрель 29-тан эгелеп барып болурун дыңнаткан:

— Хүндүлүг чаңгыс чер чурттугларым! Бо хүннерде Тубтен Шедруб Линг аттыг чаа хүрээвис ажыттынар. Лама-башкылар аңгы расписание ёзугаар номналдарны эрттирер. Хостуг үеңерни көрүп тургаш, апрель 29-тан эгелеп хүрээже барып болур силер.