Улуг-Хем кожууннуң Торгалыг суурда арат Мөңгүн-оол Данзы-Белек биле Арыг-Үзүүнде арат ажыл-агыйның удуртукчузу Шолбан Монгуш күрүне программазы-биле тракторга кожуп алыр чаа суггарылга дериг-херекселин алган.
Тракторга кожар суггарылга дериг-херекселиниң бирээзи-ле 890 муң рубль өртектиг.
Шолбан Монгуш бо чылын 111 гектар черде арбайны, 222 гектарда суланы тараан. Мөңгүн-оол Данзы-Белек 10 гектар черде картофельди тарып олурткан, 150 гектарда суланы, 52 гектарда чаңгыс чылдың сигенин тараан.
Бо чылдың чайы каңдаашкынныг чыл болурунуң магадылалы тургустунуп турары-биле, тараачын арат ажыл-агыйлыгларга суггат чугула херек. Ынчангаш бо алган суггат кожуглары араттарга чер ажыл-агыйын чедимчелиг чорударынга улуг дузалыг.
/ ТМГ-ниң чуруу болгаш медээзи.
“Шын” №23 2026 чылдың июнь 18
"Шын" солуннуң МАХ-каналынга каттыжыңар: max.ru/join/egenQ...