Чадаананың автовокзалын 2022 чылдың март 27-де хуу сайгарлыкчы Александр Анатольевич Балчыырак ажыдып, ажыглалга киирген.
Дыка үр чылдарда ээн кагдынган автовокзал бажыңын 2012 чылда ол садып алган. Үениң негелдезинге дүүштүр ажыглалга кииреринге чедир шаптараазыннар, шиитпирлээр ужурлуг айтырыглар А.А. Балчыырактың мурнунга хѳйү-биле тургустунуп турган.
Александр Анатольевич ѳѳнүң ишти Людмила Владимировна-биле кады Чадаана хоорайга 2012 чылда «Ноян» байыр-дой ѳргээзин, «Анай-Хаак» кафезин 2018 чылда ажытканнар. Ынчангаш аныяктарның куда-доюн, тѳрүттүнген хүннери болгаш чоннуң улуг байырлалдарын демдеглээри кижи болганынга аажок таарымчалыг апарган.
2022 чылда Александр Анатольевич биле Людмила Владимировна Чадаана хоорайга үш дугаар бажыңны – чоннуң аргыштырылгазын бедик деңнелге чорудар автовокзалды ажытканы улуг чедиишкин болгаш тѳѳгүлүг болуушкун болур. Байырлыг хемчегге Чѳѳн-Хемчик кожууннуң чурттакчы чону, хоорай чагыргазының, культура эргелелиниң, Чадаанада М. Мерген-Херел аттыг Культура бажыңының уран талантылыг аныяктары, сайгарлыкчылар болгаш чоок тѳрелдери киришкеннер.
Вячеслав МОНГУШ.
Чадаана хоорай.