«Бо хүнге чедир картошка болгаш ногаа аймаан тарыыр план долузу-биле күүсеттинген. 13500 га шөлге часкы тарылга доозулганы ол. Бо чылгы сорулгавыс — 10 муң ажыг тонна тараа, 24 муң тонна хире картофель, 4 муң хире тонна ногаа аймаан тарып өстүрери» – деп, ТР-ниң Баштыңы Владислав Ховалыг МАХ-та бодунуң блогунга медээлээн.
Алды федералдыг болгаш он беш муниципалдыг суггарылга системаларынче үнүштерни суггарары-биле сугну үндүрген. 1500 хире фермерлер 900 ажыг тускай дериг-херекселдерни ажыглап тургаш, часкы шөлдерге ажылдап чазаан.
«Тургузукчу күш-ажылдың болгаш өг-бүлениң ыдыктарының чылында көдээ ажыл-агый адыры үнелиг чүүлдерни эң-не чедингир кылдыр боттандырып турар. Чүгле күжениишкинниг кады ажылдажылга болгаш кызымаккай күш-ажыл-биле чедиишкинниг болуп, республикавыстың чурттакчы чонун аъш-чем-биле хандырып шыдаар бис» — деп дыңнадыгда бижээн.
/ Бистиң корр.
Тыва Чазактың парлалга албанының медээзи болгаш чуруу.
“Шын” №23 2026 чылдың июнь 18
"Шын" солуннуң МАХ-каналынга каттыжыңар: max.ru/join/egenQ...