Хүндүлүг чаңгыс чер чурттугларым!
Частың база Күш-ажылдың байырлалы-биле силерге сеткилимниң ханызындан байыр чедирип тур мен!
Майның бири аңгы-аңгы мергежилдиг кижилерни, салгалдарны, үзел-бодалдарны каттыштырып турар. Ол – бистиң демниг чоруувустуң, тайбың чуртталгаже, Ада-чуртувустуң хөгжүлдезинче чүткүлүвүстүң байырлалы-дыр. Ол ышкаш чуртувусту хөгжүдүп, экономиктиг чаартылгаларның үндезинин тургузуп, социал хөгжүлдениң болгаш сагыш-сеткилдиң, мөзү-шынарның үнезин кадагалап, бодунуң күжү-биле бистиң чуртувусту алдаржыдып чоруур бүгү кижилерге хүндүткелдиң ёзузун көргүзүп турары-дыр.
Байырлал-биле, чаңгыс чер чурттугларым! Силерге аас-кежикти, келир үеже бүзүрелдиг көрүштү болгаш күзел-сорулгаңарже чедер орууңарга чаа-чаа чайынналчак чедиишкиннерни, а бистиң шуптувуска – Тывага болгаш Россияга – тайбыңны болгаш сайзыралды күзедим!
Тайбың! Күш-ажыл! Май!
Тываның Баштыңы Владислав ХОВАЛЫГ.
«Шын» №16 2025 чылдың май 1