Тыва Республиканың Баштыңы Владислав Ховалыг Россияның Истелге комитединиң Тыва Республика талазы-биле Истелге эргелелиниң удуртукчузу Константин Столбин-биле уругларның амы-тынынга четтинер чоруу-биле холбашкан дүвүренчиг байдалды сайгарып чугааалашкан. Сөөлгү ындыг таварылга Куңгуртуг суурга болган. Чылдагааннары аңгы-аңгы. Харыызы чок ынакшыл, өг-бүледе хамаарылгалар, күчүлээшкин дээн чижектиг халаптың айыылын баш бурунгаар илередири кончуг чугула.
“ТР-ниң Чазааның социал адыры школачыларның ортузунга мага-бот болгаш эрезеңгей күчүлээшкинге холбашкан айтырылганы чорудар болуп дугуруштувус. Истелге эргелели аңаа дузаны кадар. Уругларның кадыын, оларны бодундан камгалаар сорулга-биле ук ажылдарны шынарлыг болгаш топтуг чорудар бис. Чазактың талазындан харыысалгалыг кижи бөгүнден эгелеп мээң оралакчымның хүлээлгелерин күүседип турар Орлан Денек-оолович Сарыглар болур. Ол медицина, психологтуг үделге, эдип-чазалга талазы-биле айтырыгларны эки билир кижи.
Константин Владимирович Россияның Истелге комитеди бистиң Кадык камгалалының яамызы-биле бир дөмей О-Шынаа суурга күчүлелден когараан оолдуң эмчи шинчилгезинге база эмнээшкининге дузалаар дээрзин меңээ дыңнатты. Ук херектиң бодун Россияның Истелге комитединиң удуртукчузу Александр Бастрыкин хайгааралга алган. Ол Кеземче херээниң чада аайы-биле истелгезин хөлчок эки билир. Амгы үеде немелде экспертизаларның түңнелдерин манап турар” – деп, Владислав Ховалыг дыңнаткан.
#Шын #Тыва #ЧазакДаргазы #ИстелгеЭргелелиниңУдуртукчузу #Медээ
Чазак Даргазы Истелге эргелелиниң удуртукчузу-биле ужурашкан
31 марта 2023
45