Чазак Даргазының сургакчылаашкыны.

Бо хүннерде Тываның Баштыңы Владислав Ховалыг Москвада ажыл-агыйжы сургакчылаашкында чоруп турар. Республиканың социал-экономиктиг хөгжүлдезинге чугула айтырыгларны көдүрүп, ону шиитпирлеп алырынга улуг киржилгелиг даргалар-биле ужуржып, ажыктыг чугааны чорудуп турарының дугайында ол социал четкиде Вконтактеде бодунуң арнынга бижээн:
- Москвада ажылым уламчылап тур мен. Бөгүн “үш чылдың” федералдыг бюджединиң төлевилелиниң сайгарылгазынга тураскааткан парламент дыңнадыгларынга санал киирер дээш белеткенип тур мен. Баш бурунгаар РФ-тиң Федерация Чөвүлелинде Бюджет болгаш саң-хөө рыногунуң талазы-биле комитеттиң удуртукчузу Анатолий Дмитриевич Артамонов-биле айтырыгларымның кезек аайы-биле сайгарылгазын кылдывыс. Тодаргай саналдарны белеткедивис, деткимче турар боор дээрзинге идегеп тур бис.
Тыва Республикага ол дыка чугула. Чүге дээрге бистиң саң-хөө талазы-биле системавыстың байдалы хөй кезиинде федералдыг бюджеттен кээр деткимчеден хамааржып турар.