Чеден алды харлыг хоочуннуң тергиин спортчу көргүзүү.

Кызылдың назылап-кыраан болгаш шимчеп албас хамаатыларга дазылга бажыңының социал ачы-дуза алыкчылары хоочуннар ортузунга Бүгү-российжи күш-культура спорт комплекизиниң "Күш-ажылга болгаш камгалалга белен бол" деп күш-культура шылгалдаларын дужаарынга идепкейлиг киришкенин регионнуң Күш-ажыл яамызы дыңнаткан.

Бо дээрге адааннажылга болгаш маргылдаа эвес, а спорту байырлал. Хоочуннар күш-культура спорт комплекизиниң күш-ажылга болгаш камгалалга белен болурунуң албан эртер болгаш шилилде аайы-биле спортчу нормативтерин күзелдии-биле дужаап турган.

Чеден алды харлыг Эрес-оол Севекпенович шыырак спортчу белеткелин көргүзүп, узуну ийи километр хемчээлге чадаг чарышка кымга-даа четтирбейн, бир дугаар маңнап келген. Хоочуннуң түңнел көргүзүү – 13 минут 51 секунд. Норматив езугаар – 28 минут.