Чээлиге чиигелделер.

Тываның Баштыңы Владислав Ховалыг долу эвес мобилизацияда хаара туттунган хамаатыларга болгаш оларның өг-бүлелеринге деткимче-дуза көргүзер талазы-биле ажылды чорударын республикада банкылар удуртукчулары-биле чугаалашкан.

''55 дугаар шериг бригадага ужуражылга үезинде келдиртиишкинге таварышкан хамаатыларның банкылардан алган чээлилери, ипотекаларын төлээринге хамаарышкан айтырыглар тургустунуп турду - деп, В. Ховалыг медеглээн. - Ынчангаш республика девискээринде ажылдап турар бүгү банк черлериниң төлээлерин ужуражылгаже чаладым. Бо кыйгырткан хамаатыларның алган чээлилериниң доозазынга чээли дыштанылгазын азы төлевирлер чорударын соңгаарладырының дугайында Төп банкының сүмелери бар. Ол езугаар ажылды организастап, чээлилерлиг кыйгыртканнарның хүлээп алыышкынын эрттирерин банкылардан диледим. Бо кыйгырткан чаңгыс чер-чурттугларывыс аразында чээлилерлиг 26 хире кижи бар болду. Ажыл чоруп эгелээн. 55-ки бригадада Промсвязьбанкының 2 ажылдакчызы кыйгыртканнар-биле ажылдап эгелей берген.