Орус литератураныӊ «Мөӊгүн чүс чылы» деп үе-чадазыныӊ онзагай салым-чаяанныг шүлүкчүзү – сураглыг чогаалчы Сергей Есенинниӊ төрүттүнгенинден бээр 125 чыл ою.
Ат-сураглыг чогаалчыныӊ амыдырал-чуртталгазын сактып, ат-алдарын мөӊгежидери-биле, ооӊ чаӊгыс чер чурттуглары «Есенинниӊ гастроль туру» деп төлевилелди белеткээн. Президентиниӊ культураныӊ эгелекчи саналдар фондузунуӊ деткимчези-биле регионнарже гастрольдап турар.
Тывага ховар келир аалчыларныӊ, С.А. Есенин аттыг заповедник-биле Рязань хоорайныӊ аныяк көрүкчүлер театрыныӊ, кады кылган чогаадыкчы төлевилелин октябрь 25-26 хүннеринде республиканыӊ чурттакчылары сонуургап көрүп болур.
Чогаалчыныӊ төрүттүнген чери Рязань областа музей заповедниктиӊ белеткээн делгелгези Кызыл хоорайда Улусчу чогаадылга бажыӊынга болур.
Сеткил уярадыр онза чараш шүлүкчүнүӊ хөөнү-биле тургускан «Анна Снегина» деп шиини аалчылар бараалгадып көргүзер.
Республиканыӊ Культура яамызыныӊ медээзи-биле белеткээн
Р. Демчик
Чогаалчы Сергей Есенинниӊ төрээн чуртундан аалчылар келир
10 октября 2022
40