Кызылдың 7 дугаар школазының 9-ку классчыларынга «Чурагай кичээли» төлевилелиниң «Келир үениң хоорайы: квантылыг технологиялар» деп темага кичээл болуп эрткен.
Өөреникчилер квантылыг физиканың кайгамчыктыг делегейи-биле таныжып, амыдыралга квантылыг технологияларны ажыглаарын база оларның ажылының кол сорулгалары-биле танышкан. Ол ышкаш олар квантылыг технологияларның специалистери кылдыр боттарын шенеп көргеннер.
9 «А» класстың өөреникчизи Норжай Минчин чурагай кичээлиниң дугайында бодалдары-биле үлешкен:
«Кичээл аажок солун болду. Квантылыг технологиялар дугайында видеону улуг сонуургал-биле көрдүм. Ол ышкаш кичээлдиң темазын быжыглап алыры-биле даалгаларны эки кылдым. Кичээл дургузунда билбес чүүлдерим хөй болду».
Квантылыг физика дугайында хөйнү билип алдым. Кичээлдиң темазын база сонуургадым. Ол бүгү технологиялар келир үеде бистиң оран-делегейивистиң хөгжүлдезинге ажыктыг болур дээрзин 9 «А» класстың өөреникчизи Темир Монгуш демдеглээн.
Кичээлдиң ачызында школачылар квантылыг технологияларның амыдыралга ажык-дузазының болгаш квантылыг физиканың өске эртемнер-биле сырый харылзаазын эки сайгаржып көрген.
Өөредилге шынарын хынаар институттуң медээзи-биле А. ДОНГАК белеткээн.
«Чурагай кичээли»
20 апреля 2023
69